თბილისი (GBC) - სასოფლო-სამეურნეო კოოპერატივების მცირეგაბარიტიანი აგრო-ტექნიკით (მოტობლოკების) აღჭურვის პროგრამაში მონაწილეობისათვის რეგისტრაცია გამოცხადდა.
პროგრამაში მონაწილეობის მისაღებად კოოპერატივის უფლებამოსილმა წარმომადგენელმა სასოფლო-სამეურნეო კოოპერატივების განვითარების სააგენტოში უნდა შეიტანოს განაცხადი (მისამართზე ქ. თბილისი ვაზისუბნის ქ. N25)
განაცხადები მიიღება 24 აგვისტოდან 7 სექტემბრის ჩათვლით.
აგრო-კომპლექტების შეზღუდული რაოდენობის გამო, განაცხადების განხილვა და დაკმაყოფილება მოხდება მათი წარდგენის რიგითობის შესაბამისად აგრო-კომპლექტების რაოდენობის ამოწურვამდე.
პროგრამა მცირეგაბარიტიანი აგრო-ტექნიკის შეღავათიან ფასად 900 ლარად კოოპერატივებისათვის გადაცემას ითვალისწინებს, რაც მისი ღირებულების 24 % შეადგენს.
თითოეულ კომპლექტში შედის მოტობლოკის აგრეგატი სათიბით, გუთნით, კულტივატორით და ხელის სათესი.